1. Dyr Dafet güberlögt syr: "Iewet bringt mi dyr Saul +doch non um. Mir werd nix überbleibn, als däß i eyn s Pflisterland abhin ausweich. Naacherd werd dyr Saul schoon ayn Rue göbn und nit bständig um mi dös gantze Isryheel umherklaubn. Yso kimm i iem aus!"
2. Dyr Dafet gmacht si also auf und gieng mit seine söxhundert Männer zo n Gätter Künig Ächisch Mauchsun abhin.
3. Und er blib mit seine Leut bei n Ächisch z Gätt. Allsand hietnd Kind und Kögl dyrbei, und aau dyr Dafet seine zwai Weiber Ähinom aus Jesryheel und d Äbigeil aus Kärml, yn n Näbal sein Witib.
4. Wie myn yn n Saul gmeldt, däß dyr Dafet auf Gätt gflohen war, gaab yr sein Verfolgung auf.