39. Netty so wichtig ist dös zwaitte: 'Du sollst deinn Naahstn liebn wie di selber.'
40. An dene zwai Geboter höngt dös gantze Gsötz mitsamt de Weissagn."
41. Dyrnaach gfraagt dyr Iesen die Mauchn, wo bei iem beinand warnd:
42. "Was denktß ietz ös über n Heiland? Wem sein Sun ist yr?" Sö gantwortnd iem: "Yn n Dafetn dyr sein."
43. Daa gwenddt dyr Iesen ein: "Wie kan n naacherd dyr Dafet durch n Geist sein Eingöbung 'Herr' nennen? Er sait ja:
44. 'Dyr Trechtein spraach zo meinn Herrn: Sitz di her bei meiner Zesmen; unter d Füess lög i dir d Feindd all.'
45. Wenn n also dyr Dafet 'Herr' nennt, wie kan yr naacherd yn n Dafetn sein Sun sein?"
46. Niemdd kunnt iem daa drauf öbbs erwidern; und von daadl wögg gatraut si niemdd meer, iem non öbbs zo n Fraagn.