20. Daa gschwiftt n dyr Ierymies: "Du +werst schoon nit ausglifert! Los diend auf dös, was dyr Herr durch mi künddt! Naacherd überlöbst ys, und es pässt allss mit dir.
21. Willst aber durchaus nit aushingeen, dann haat mi dyr Trechtein aau schoon seghn laassn, was aft ist:
22. Die Weiber, wo in n Judauer Künig seinn Pflast non übrig seind, werdnd yn n Bäbler Künig seine Hörfüerer zuegfüert. Daa klagnd d Weiber: 'Ausgschmirbt, Künig, habnd di d Freundderln, brangend einhin zeerst eyn n Drök di; und dyrnaach seghst von ien kainn meer!'
23. Ja, deine Weiber und Kinder allsand gaand s zo de Kaldauer aushinbringen; und aau du kimmst ien nit aus, sundern werst gfangengnummen und yn n Bäbler Künig ausglifert; und d Stat werd ankenddt."