1. Und weiter grödt dyr Elihu:
2. "Ös Weisn, ös, hoertß meine Worter! Ös seitß de Gscheidn; lostß myr zue!
3. Denn s Oorn prüefft und burtlt Worter, yso wie d Speisn schmöckt dyr Gaim.
4. Ietz forsch myr naach, was recht und guet ist! Tuen myr üns zamm; dös ghoert ietz klaert!
5. Dyr Hieb haat gsait: 'Nän, i bin schuldloos; mir haat dyr Herrgot s Recht entzogn.
6. Zwö soll i liegn mit rainen Gwissn? Er haat mi einhintaucht aan Grund.'
7. Daa mueß i schoon sagn, örger geet s nit! Dyr Hieb, der löstert, was grad geet.
8. Der stöllt si auf ain Stueff mit n Gsindl; mit Fräfler macht dyr Hieb si gmain.