11. Er boosert ob mir; wie ayn Feind bin i iem.
12. D Hörscharn von iem bedruckend mi mitaynand. Belögern tuend s mi, und i kan niemer aus; gheif habnd s umzinglt mi, mein Haus und Dyrhaim.
13. Mein gantze Sippn haat yr untreu mir gmacht.
14. Bsuechen will aau niemdd mi, verwandt older nit.
15. Yn meine Eehaltn bin ayn Fremder i wordn. Schaun tuend s, wie wenn i von de Undietler kaem.
16. Und ruef meinn Knecht i, tuet dyrgleichen nix er. Bittn und betln derffet i dönn non gar.
17. Mein Weib rimpft d Nasn; derer kanst nit recht schaugn; und meine Klainen wollnd nix wissn von mir.
18. Tiemdd kemmend Lausbuebn, nix wie Blecken eyn n Kopf.
19. All meine Spezi'n machend um mi aynn Bogn. All meine Liebn seind myr abtrünnig wordn.
20. Haut und Bain bin i; nix wie s Zandfleish ist blibn.