46. Dein ölterne Schwöster ist Samreit. D Samreit mit ire Töchter wont norder deiner. Dein jüngerne Schwöster ist Sodham. D Sodham mit ire Töchter wont sunder deiner.
47. Du haast nit grad allss bräf naachgmacht, was die an Grauln glifert habnd, nän, du haast ys sogar non vil schlimmer tribn wie sö.
48. So waar i löb, sait dyr Trechtein, mein Got, dein Schwöster Sodham und ire Töchter habnd s nit so arg tribn wie du und deine Töchter.
49. D Schuld von deiner Schwöster Sodham war, däß s zamt ire Töchter hoohgseghn war und däß s grüebig in n Schwudl dyrhinglöbnd und gnueg z össn hietnd, aber yn de Elendn und Armen +nit halffend.
50. Daa wurdnd s hoohmüetig und fiengend vor meine Augn mit ienerne Grauln an. Drum haan i s verraeumt; dös waisst ja ee.