6. Er ließ yn n Mosenn sagn: "I bin dein Schweher und kimm zo dir mit deinn Weib und de zween Buebn."
7. Daa gieng dyr Mosen yn n Schweher zgögn, fiel vor iem nider und gabusst n. Aft gfraagnd s, wie s yso geet und allss, und giengend eyn s Zeltt einhin.
8. Dyr Mosen gverzölt yn n Schweher allss, war dyr Herr yn n Färgn und de Güptn zwögns Isryheel antaan hiet, und von alle Hartsln, wo s unterwögs ghaat hietnd, und wie s dyr Herr errött hiet.
9. Dyr Jitro gafreut si drob recht, was dyr Herr yn Isryheel Guets taan hiet, wie yr s umbb de Güptn gabfreit.