25. Eyn n sibtn Tag halttß ayn weihe Samnung; und der ist kain Arechtstag nit.
26. Sibn Wochenn drauf, eyn n Wochennföst, wenntß enkerne Eerstlingsfrücht yn n Herrn darbringtß, solltß ayn weihe Samnung haltn. Aau der Tag ist kain Arechtstag nity.
27. Als Brandopfer, dös wo dyr Herr gern riecht, bringtß dann zwai Stierln, aynn Schaafbok und sibn jaerige Lämpln dar
28. und als Speisopfer dyrzue ie Stierl fümf Teger Feinmöl mit Öl, mit n Wider dreu und
29. ie Lämpl ainaynhalb.
30. Bringtß aau aynn Gaißbok dar, mit dönn woß enk versuentß!
31. Dös allss bringtß zo de Reglopfer dyrzue non dar. Und grad Vicher aane Faeler derfftß hernemen.