9. Dyr Herrgot haat enkern Vatern seinn Vihbestand entzogn und mir göbn.
10. Dyrselbn, wie d Aaubn und Gäiss bockig warnd, gatraeumt myr öbbs: Straiffete, spregglete und tüpflete Böck sprangend d Weibln.
11. Dyr Engl Gottes spraach in n Traaum zo mir: 'Du, Jaaggen!' I gantwort: 'Daa bin i.'
12. Aft spraach yr: 'Ietz schaug hin: Allsand Böck, die wo d Aaubn und Gäiss springend, seind straiffet, spregglet older gflöcket. I haan nömlich allss gseghn, was dyr dyr Läbän antuet.
13. I bin dyr Got von Bettl, daa wost dös Stainmaal gsalbt und di mir verlobt haast. Auf ietz, ziegh furt aus dönn Land daader und keer eyn dein Haimet zrugg!'"
14. D Rachl und d Lehy gantwortnd iem: "Ja, ghoert üns non öbbs older sein myr non öbbs in ünsern Vaterhaus?