De Bibl auf Bairisch

De Ander Ee 30:19-20 De Bibl auf Bairisch (BAI)

19. Önn Himml und d Erdn ruef i heint als Zeugn gögn enk an. Löbn und Tood lög i dyr vor, Sögn und Fluech. Also nimm s Löbn und löb, du und dein Naachwuechs!

20. Lieb önn Herrn, deinn Got, los auf sein Stimm und höb di bei iem ein; dann verbringst ayn langs Löbn in dönn Land, dös wo dyr Trechtein yn deine Vätter Abryham, Eisack und Jaaggen zuegschworn haat.