Die Boodskap

1 Korintiërs 15:38-41 Die Boodskap (DB)

38. God besluit dan self hoe die plant moet lyk - elke soort saad gee mos ’n ander soort plant.

39. Die diere en mense verskil net so. ’n Mens is mos anders gebou as ’n dier of ’n vis.

40. Die sterre en die son lyk ook anders as die aarde. Die sterre en die son is op ’n ander manier mooi as die dinge hier op aarde. Selfs die sterre verskil van mekaar en is elkeen op sy eie manier mooi.

41. Die prag van die son is anders as die prag van die maan. Net so sal dit wees wanneer ons uit die dood lewendig word.