17. Toe hulle Hom sien, het hulle vertel wat oor hierdie Kindjie aan hulle gesê is.
18. Almal wat dit gehoor het, was verwonderd oor wat die skaapwagters hulle vertel het.
19. Maria het alles wat gesê is, onthou en telkens weer by haarself daaroor nagedink.
20. Die skaapwagters het toe teruggegaan terwyl hulle God loof en prys oor alles wat hulle gehoor en gesien het. Dit was alles net soos dit vir hulle gesê is.
21. Ag dae later, toe dit tyd was om die Kindjie te besny, het Hy die naam Jesus gekry, die naam wat deur die engel genoem is nog voordat Hy in die moederskoot ontvang is.
22. Toe die reinigingstyd soos deur die wet van Moses bepaal, vir hulle verby was, het hulle Hom na Jerusalem toe gebring om Hom tot beskikking van die Here te stel.