1. Die tollenaars en sondaars het almal die gewoonte gehad om na Jesus te kom luister.
2. Hierteen het die Fariseërs en die skrifgeleerdes beswaar gemaak en gesê: “Hierdie man ontvang sondaars en eet selfs saam met hulle.”
3. Toe vertel Jesus vir hulle hierdie gelykenis:
4. “Sê nou een van julle het honderd skape en een van hulle raak weg. Wat doen hy dan? Hy laat die nege en negentig in die veld staan en gaan agter die een aan wat weg is, totdat hy hom kry.
5. En as hy hom kry, is hy bly en tel hom op sy skouers.